Radiasiya Dozasının Müqayisəsi

3D KOMPYUTER TOMOQRAFİYASI NƏ DƏRƏCƏDƏ ZƏRƏRLİDİR ?

Dental 3D KT zamanı alınan şüalanma miqdarı gündəlik həyatda təbii mühitdən aldığımız radiasiya ilə tamamilə müqayisə oluna biləcək səviyyədədir:

Dental (diş və çənə) 3D kompüter tomoqrafiyası orqanizm üçün ciddi bir təhlükə törətmir və zərəri minimaldır. Bu müayinədə istifadə olunan rəqəmsal CBCT (Konus Şüalı KT) texnologiyası, xəstəxanalardakı adi ümumi bədən KT-ləri ilə müqayisədə 90%-ə qədər daha az radiasiya yayır.

Təbii fon radiasiyası: Bu müayinə ətraf mühitdən 3-11 gün ərzində aldığımız normal radiasiyaya bərabərdir.

Təyyarə uçuşu: Qitələrarası bir təyyarə uçuşunda alınan radiasiya dozası ilə demək olar ki, eynidir.

Tibbi bədən KT-si: Diş KT-sindən dəfələrlə çox (məsələn, qarın boşluğu KT-si 7000+ µSv) radiasiya yayır.

Dental 3D KT müayinəsindən sonra bədəndən şüanın çıxması üçün heç bir xüsusi prosedur etməyə ehtiyac yoxdur, çünki şüa bədəndə qalmır. Rentgen şüaları işıq kimidir – cihaz söndüyü an şüalanma dərhal bitir və bədəninizdə heç bir radiasiya yığılıb qalmır.

Xalq arasında olan bəzi inancların əksinə, KT-dən sonra siz ətrafdakılar üçün radiasiya mənbəyi sayılmırsınız. Yenə də bədənin ümumi bərpasını və hüceyrə səviyyəsində mühafizəsini dəstəkləmək üçün aşağıdakı addımları ata bilərsiniz:

   Hüceyrə bərpası üçün faydalı addımlar

Bol su içmək: Müayinədən sonra təmiz su qəbulunu artırmaq maddələr mübadiləsini sürətləndirir və hüceyrələrin yenilənməsinə kömək edir

Antioksidant zəngini qidalar: Yaşıl çay, pomidor, gilas, qarağat və tünd yaşıl yarpaqlı tərəvəzlər (məsələn, ispanaq) sərbəst radikallarla mübarizə aparır.

C və E vitaminləri: Sitrus meyvələri (limon, portağal), kivi və qoz-fındıq hüceyrə membranını qoruyan güclü antioksidantlardır

Dental 3D KT (CBCT): Təxminən 19 – 150 µSv (mikrozivert) şüa verir.